media

የኢትዮ-ቻናል ጋዜጣ አሳታሚ እና ማኔጂንግ ዳይሬክተር ታሰሩ

የኢትዮ-ቻናል ጋዜጣ ማኔጂንግ ዳይሬክተርና የሳምሶን አድቨርታይዚንግ ዋና ስራ አስኪያጅ ጋዜጠኛ ሳምሶን ማሞ እና የኢትዮ-ቻናል ጋዜጣ አሳታሚ የዜድ ፕሬስ ዋና ስራ አስኪያጅ ወ/ሮ ዘውድነሽ ታደሰ ባለፈው ሐሙስ በፖሊስ ቁጥጥር ስር ዋሉ፡፡

ወደ 6 የሚሆኑ መለዮ የለበሱና ሲቪል የላንቻ ፖሊስ ጣቢያ አባላት ጋዜጠኛ ሳምሶን ማሞን አስገድደው የያዙት ሐሙስ ማለዳ ወደ ቢሮው በሚገባበት ወቅት ነበር፡፡ የኢትዮ-ቻናል ጋዜጣ ዋና ስራ አስኪያጅ ወ/ሮ ዘውድነሽ ደግሞ ባለቤቷን ጋዜጠኛ ሳምሶን ማሞን ለመጠየቅ ወደ ፖሊስ ጣቢያ ባመራችበት ወቅት በቁጥጥር ስር ልትውል ችላለች፡፡

ሁለቱም በላንቻ ፖሊስ ጣቢያ በእስር ላይ እንዲቆዩ ከተደረገ በኋላ በነጋታው (ትላንት አርብ) ፍርድ ቤት እንዲወሰዱ ተደርጓል፡፡ ይሁንና የከፍተኛ ፍርድ ቤት 17ኛው ችሎት ጠዋት በዋለው ችሎት ባልታወቀ ሁኔታ ጉዳያቸውን አልተመለከተውም፡፡ ከሰዓት በኋላ እንደሚቀርቡ የተገለፀ ምክንያቱ በውል ባልታወቀ ሁኔታ ችሎት አልቀረቡም፡፡ ከእስርም አልተለቀቁም፡፡

ጋዜጠኛ ሳምሶን ማሞና ወ/ሮ ዘውድነሽ ታደሰ የተከሰሱበትን ምክንያት ፍርድ ቤት ባለመቅረባቸው በውል ለማወቅ አልቻልንም፡፡ እስካሁን ባገኘነው መረጃ ጉዳዩ ከንግድ ሚኒስቴር ጋር የተያያዘ እንደሆነ የተገለፀ ሲሆን ከንግድ ሚኒስቴር የህዝብ ግንኙነት ክፍል አቶ አብዱራህማን ሰዒድ ‹‹በጉዳዩ ላይ በሚኒስቴር መስሪያ ቤቱ ደረጃ የደረሰን መረጃ የለም›› ሲሉ የቂርቆስ ክፍለ ከተማ ንግድና ኢንዱስትሪ ጽ/ቤት ኃላፊ የሆኑት አቶ ነስረዲን ሻፊ በበኩላቸው ጉዳዩን እንደሚያውቁ ቢናገሩም ዝርዝር መረጃ ከመስጠት ግን ተቆጥበዋል፡፡

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s